Website of mga Taga Saguiaran

So saguiaran.com na website o mga taga saguiaran. Adun pun imanto a bago ka so www.saguiaran.ning.com

-- makumput a kabar.

Website o mga ewaton

Adun a minibago a pimbaalan o mga bangsa tano a website a para ko mga ewaton. Kapakay makasold kano ron sa: www.ewaton.ning.com

HAram so Suka Pinakurat.

Kyaomanan sa bagur si Bombit

Samanaya na myakabagur si bombit ka gyoto eh pukanug tano sa mga tao sii sa ranaw. Myakaontod si Hookey a Gobernador a ARMM na malo myagdam o kalaban eh bombit so bagur o ADIONG.

MGA ANTOKA

1. mababa igira magogotum na maporo igira maoosog

2. Ladiya sa kalasan a di katangulan sa ig

3. SO LILIN NA LILINDUN MARIGA I PORO A LILIPITUN A KOBAL NA PUNDODA SA MAPOTI
(antoka niyo

4. kinowako ko sumba a malilina malundo a pulipitun a kubal a lumbay so bomboliyan, a mayao so poroiyan apukhabado badoton a puthopha sa maputi.

5. kaoto katiiden

6. siniok i mariga so odowan i maitum na minggowa si maitum na kun o madakul a tao

7. so ig na kioloban a langit na biongkosan a sapo na biyabid a tulan na liawawan sa kubal.

8. sominub lawiyan mbowat lawiyan

9. odabo si miraon na di miropa so lumba

10. posed i orangkaya a mapupuno a oled

11. mababa igira tomitindeg na maporo igira moontod

12. mlendo i omor igira inimatay na mababai omor igira inoyag

13. Sompatingka ka baden miyaka baba, potolingka na baden miyaka taas.

14. Antoka niyo, Tig i Arata wata, ronkaon phagodo na ronkaopun pagokit na ayangka paginomun na ayangkapun ngaran,

15. Anda o Nabi

16. Oman maka kan na mauta iyanbo

17. Pagigimo sa tolang a oman ka beton na misinta aka a ginawangka

18. Kinowako ko sumba a malilina malundo a pulipitun a kubal a lumbay so bomboliyan, a mayao so poroiyan apukhabado badoton a puthopha sa maputi.

19. Boribid si mimbalay na bibid si walay nian

20. Powang sa Sebangan na powang pen sa Sedepan

21. ino kabasa so Malong?

22. Mitho ko ngaran nian

23. Modo na sa olo, koman na sa olo, lomalakao na sa olo?

24. Montod na maporo, Tomindeg na mababa?

25. Mitapok si Baksan na maiilay a olo nian?

26. Isaka walay a langon Prawatib?

27. Isaka walay a Langon maitum i olo?

28. Ayanianden ngaran so Galebek iyan?

29. Misangkad si Sulotan na langon a lawas iyan na mapupuno a mata?

30. Odingka mabesi na dingkaon misoled, kunaba tamparasa?

31. Dikoman odi mapoti na pagotaan niambo?

32. Pendola si Baksan na langon a tolanian na pingibabagak iyan

33. Aya Ipulalakao nian na giya likodian

34. Aya ipulalakao nian na giya dila iyan,

35. Mala so Olonian adi so Lawas iyan,


SEMBAG O ANTOKA

1. SAKO
2. SALAG A PAPANOK
3. SIGOPAN
4. SIGOPAN
5. PIRKPIRK
6. KODEN AGO BEGAS
7. NIYOG A BUTUNG
8. RAGOM
9. RAGOM
10. LESONG
11. ASO
12.KANDILA
13. KAYOGA A WATA
14. GIYA RANAO TANO
15. SII KO IGG
16. SAKO
17. TATHADA
18. SIGOPAN
19. SOSO
20. MALONG
21. MAMA-MARA
22. PALAO
23. KOTO
24. ASO
25. TOTOK
26. DALOG
27. KOGIT
28. BOBOK
29. NANAS
30. BATAWI
31. KOKORA SA NIYOG
32. BABASAL
33. AWANG
34. BOYOKONG
35. KABITABITA

Giya Antoka na Exclusive sa website aya
obangka kailay sa ped a website na saya poon
Maranao riddles collected by Datu Ontay

THE DARANGUN

The Darangen begins with the foundation of Bembaran, the Maranaos' ideal mythological kingdom, and comes to an end with the episode of Bembaran's fall. This final section describes how Sharief Awlis, a Muslim missionary famous in all of Sulu and Mindanao, visited Bembaran and taught the Islamic faith. The people there refused to accept it, though, so God became angry and destroyed the kingdom with a great fire. A man named Botawanen Kalinan and his 4 brothers , whose barely escaped, is thought to be the direct ancestors of the Maranao....

The epic tells us of pre-Islamic Maranao culture and provides information about the earliest contacts with Islamic missionaries. Thus through the Darangen story we can gain an understanding, on a folk-tradition level, not only of native Maranao folk ways but also of the type of social conditions that existed when the Maranao contacted and adopted Islam. Because of the shortage of historical materials, such information is of great value to the researcher, and this is why I sincerely hope that this Darangen publishing program will continue until its completion.

The episodes in this volume deal mainly with a series of wars between the kingdom of Kadaraan and the kingdoms around it. The forces of Kadaraan are quite powerful, putting its opponents at a disadvantage, but Prince Bantogen of Bembaran (the hero of the epic) provides help for the underdogs.

Though epics may be fictional and lack true historicity, they are not simply fairy tales. At the very least the contents reflect the social circumstances of the period, and may comprise a metaphor of actual events. The Darangen provides a number of cases in point; here I shall point out two that I found particularly interesting.

Nowadays, the Darangen is less frequently performed owing in part to its rich vocabulary and archaic linguistic forms, which can only be understood by practitioners, elders and scholars. Indeed, the growing tendency to embrace mainstream Filipino lifestyles may represent a threat to the survival of this ancient epic. 

 

ranawnews.com

Basak sa Marawi City

Giya a tuladan na basak ini sa Marawi City, Kasagadan ai igira a song ta sa MSU Main Campus.

So ilaw na pumbaloy a margas

Closing puman sa MSU

Myakaito so pukailay tano a mga tao sa MSU Main Campus sabap ko closing iran puman. Domikha so mga studyante. Apya so Com Cent a permi dun mapupuno a tao na myakaito pun a tao ron.

Trafic Police: Di iran mapunggalubuk so galubuk iran

Giya mga Trafic Police tano sa marawi na mapasang i katitindugtindug sa mga kilid aya na mapasang i kapamito na ogaid na di iran katanor so trapik sa marawi. Adun pun a pamito na sii kakadun ko kilid o tinda na piginom sa coke odi na pukhan sa getha. Ayabo a kapsong iran sa look a karsada na igira sagad si Mayor odi na igira adun a kilkilan iran a City Limit

Kalalalongan a Lasureco

Gya lasureco sa ranaw na adun pun a di mapya a galubuk iran makaliyoliyo ko kapukaparungparung o light tano. Isa pun a paawing iran na di sira preading pyapya na bakadun pukaomai sa notice a mala ka i balance. Antona manganda i di iran di kapakambaal sa notice of billing a da a reading? kakaranga?

ranawnews

Ompongan o mga MSUans sa Internet

Adun a myailay ami a website a ompongan o mga msuans sa internet. Aya ngaran a gyoto a website na MSUans Network. Aya kapaka sold tano ron na soldan tano a www.msuans.org

Ranawnews

MANGA BOLONG A MERANAW

Pitharo o ALLAH ko Qur-an a Bolong, suratol Nahl aya 68-69

68.  وَأَوْحَى رَبُّكَ إِلَى النَّحْلِ أَنِ اتَّخِذِي مِنَ الْجِبَالِ بُيُوتاً وَمِنَ الشَّجَرِ وَمِمَّا يَعْرِشُونَ

69.  ثُمَّ كُلِي مِن كُلِّ الثَّمَرَاتِ فَاسْلُكِي سُبُلَ رَبِّكِ ذُلُلاً يَخْرُجُ مِن بُطُونِهَا شَرَابٌ مُّخْتَلِفٌ أَلْوَانُهُ فِيهِ شِفَاء لِلنَّاسِ إِنَّ فِي ذَلِكَ لآيَةً لِّقَوْمٍ يَتَفَكَّرُونَ

68. Na iniilaham o Kadnan ka ko tamaing a: Mbaal ka ko manga palaw sa manga walay, go so manga kayo, go so pphanagombalayn iran;

69. Oriyan iyan na kang ka ko oman i manga onga, na okit ka ko manga lalan o Kadnan ka, a da a manga gigimbra Iyan. Adn a pphakagmaw a pphakapoon ko manga tiyan Iyan a inomn a mbidabida so manga warna niyan, a kadadalman sa bolong o manga manosiya: Mataan! a adn a matatago saya man a titho a tanda ko pagtaw a pphamimikiran on.

Pitharo o Nabi Mohammad SAW "Bolongun niyo ko pekasakit rekano so Sadka. Mapakawatan iyan so dederoon paniyakit o badan, na bolongun iyoron so SADKA, ka dedun a baon makalubi sa kagaan a katarimaaaon a ago so osbaon o phekasakit.

PATAWALI
karad kaon sa pito karad na paguluden sa isa ka baso a ig maipos so lima 7 ka minotos na paginomon ka so ig ko baso BOLONG ANAN SA DIABETIES

KASAPISAPI/KIYAMBINGKAMBING
pangowakaon sa sagamak, pagonaban ka piyapiya na kumulon kasa ig amay ka makumul ka na saraan ka na tagoon ka sa baso, tagoan sa timos a maito odi na naino, dependi ruka, paki inom kanan ko anden a mayao niyan sa dalum

RAON A DUNGGAO
zasaan piyapiya amai ka masasa ikarangka i di makambulag-bulag amai ka masasa na imbutad ko pusakit a olo niyan, odi na so dikayao a wata taman sa rarub iyan

RAON A APUL
kowaka sa raon a apul a pito lad pito timan di sobraan, itabul ka sa mayawaig amai ka didian na tangulun ka sa ladyan, karad ka sa kalawag a pito timan na pagalosoden ko ladya na paki inon ko di magodowa sa mapasang

OPAS A SAGING A PAKAL
kowaka sa wata a saging a pakal pataan ka na kowaanon so laing ko lapis iyan amai ka maoma so maputi ko lawas iyan na karadangka sa mga iito amai ka mapasad na tagoingka sa maito a timos, pakikan ko miya OVER FATIGUE datorogaya sa miayaka pipira gawii

LOYA PAGIRISUN
kowaka sa loya pagirisun karadangka odi na zasaan sa bowayowa amai ka masasa na tago angka ko mayao a ig. kowaka sa limos sito  a tulo timan karadangka na tumukun ko mayao a ig a aden a loya pagirisenon. pakiinom ko puragaon odi na so pusakit a bakurung iyan.

RAON A GOMAMILA
kowaka sa raon a gomamila sagamak, onabingka piyapiya amai ka kaonaban na Zasasaan odi na supaan ka sa datukun piyapiya amai ka madatuk na indupil ko kilid o pali odi na adun a lobag iyan, siibo indupil ko manga kilid iyan.

LAGUT
zhupaan ka piyapiya amai ka masupa aka na itopris ko miyabot a olud odi na layopan antaan ka ragondodan, batiyokan, itopris ko kikub a kaput,

TIKUG A LAGUT
so tikug a lagut na totongunka rakes a lana niyog amai ko matotongka na makatakun ko mikadapo sa totok odi na kiyapalian na lomibag a dindana.

RAON A KATANGAN TANGAN
kowakaon sa piratiman dependi ko depilan kaon, pagulabn ka sa apoi amai ko malab ka na indupil ko miyalupo na babudun a togak sii ko lupo iyan.

KAYO A KATANGAN-TANGAN
potol ka sa kayo a katangan tangan na iyawangka sa apoi amai ko maiyaongka na lonitangkaon so kobal iyan na tago ingka sa maito a lana niyog, imbakuso ko miya lupo sa ai odi na sa lima

RAON A KAPAL
kowaka ko raon a kapal pagonaban ka piyapiya kumulen ka sa ig ami ka makumul na saraan ka na paki inom ko gii kayao sa mapasang,

MANGA BOLONG

 Pitharo o Nabi SAW "Bolongun niyo ko pekasakit rekano so Sadka. Mapakawatan iyan so dederoon paniyakit o badan, na bolongun iyoron so SADKA, ka dedun a baon makalubi sa kagaan a katarimaaaon a ago so osbaon o phekasakit.

BOLONG SA ASHMA
So raon a "talawatawa" na pagiyaon na so Bul iyan na pagbaon oadun a ashma iyan,

So Bukaw a katubuk na iphakayaw na paginomun so ig iyan, odi nag ii kamon.

BOLONG SA KAPAGODO
Iphakayaw so dowa poon a "talawatawa" puthangkaan a isa ka baso a ig na paginomun.

BOLONG SA GARAK
So raon a "tangilalupa" na tumukun na paginomun odi na zupaan taron a pulamudun ka aya niyan kabagur.

BOLONG SA GATUL
Iphakayaw so mamamara a odi na miyagango a "talawatawa" na so ig iyan na
ipagapulason,

So onga I limonsito na photolun na tumukun ko gatul sa lawas

BOLONG SA GAGUT A RARUB
So raon a Bayaba na iphakayaw na paginomun sa maka tulo ko salongan phakabolong pun sa apiya antonaa paniyakit ko rarub.

BOLONG SA GOMINUKON SO BASA
So opisa kayo a "fine tree" na iphakayaw na paginomun sa makatulo ko salongan, aya kapaginomaon na igira a datapun makakan.

BOLONG SA INUBOT A MURANARANAP
So raon a "talawatawa" na khoson sa palad a lima na tumukun ko inubot odi na ipagibongon ipagaplason.

BOLONG SA IPHAKABAGUR O MIMBAWATA SA MAGAAN
Iphakayaw so opis a kayo o " nonang" na paginomun, odi na so mailaw ko raon niyan na kumulun na paginomun oba niyan rararoon a tanto na panimoon a manga opis a kayo a manga ala datar o badak, mangga, madang, apul, kopaya, bayaba, buwaaan, tambis odi na pud diyan na putangkaan a pito soson na iphakayaw na paginomun sa maka tulo ko salongan.

BOLONG SA MARIGA
So Bukaw a "Kayobolawan" na iphakayaw na phaginomun sa maka tulo ko salongan, Aya kaphaginomaon na igira a datapun makakan.

 

BOLONG SA KANDODA (TB)
So raon a mariga a kimpo kimpo a mailawdun phagosun na thangkaan a
Marugas na pulamudun. Phaka bolongon pun so orak a pato a pusosopun.

So kiatatangkaan  kiya pakatoa niyan a pula mamaan na zupaan na pulamaudun.

BOLONG SA MAYAO MATUNGGAO
Ipakayao so raon a kalatsutsi na paginomun so ig iyan sa makatlo sa mababasa alongan ko unaan o datapun kapaka kaan

Phanrapoan a lawas iyan sa magaranaw a ig kapakay a saogan sa rubbing alcohol taman sa dimada so panunggao niyan na putrapuandun saroman, dikapakai oba kolobi sa makapal odi na ba tanggobi sa makapal ka kapootan so mayao niyan sa sold a lawas iyan na ron pukisabap so typhoid, nago kadaan sa bagur so poso iyan.

BOLONG SA KANDODA (TB)
So raon a mariga a kimpo na a mailao dun na phagosun thankaan a marugas na pulamudun, phaka bolongon pun so orak a pato a pusosopu,

BOLONG SA MIALOWIS
Itawaron so Biyatiya o Nabiola Ibrahim ko masa a katotongaon o mga kapir, so lana wato lana gass na ipagaplason aya kinanglan na ipusamboton mapulas

BOLONG SA SAWAN
So bukaw a mariga kimpo na ipakayao, na puthankaan a romiga so ig iyan na paginomun sa makatulo ko salongan,

BOLONG SA PALI
So raon a tai a tarapan na zasaan puroputun na puluputun ko togak na tumukunon, khapakay pun a ibolongon aya ko miasogal a panglo a pukasulutan ko sapo, kapakay pun a ibolong aya ko mimbuto a lubag, pali ago so kabibisaan

BOLONG SA MAYAO
Iphakayao so  bukaw a gomamila na paginomun so ig iyan makatulo ko mababasa alongan,

Iphakayao so raon a kalatsutsi putangkaan a dowa ka baso a ig na taman sa mabaloy a isaka baso na paginomun

BOLONG SA KIYAGAMOTAN
Kikisun so kayo a banongira ago so opis iyan na tumukun ko ngari o kiyagamotan

BOLONG SA ULCER
So bukaw a mariga kimpo na iphakayao na puthangkaan a romiga so ig iyan na paginomun, datardun o kipumbolongunon ko pungudam sa sawan 

So raon a bayaba na iphakayao na paginomun sa makatulo ko salongan ko onaan o datapun kapaka kan,

BOLONG SA LUGUT
So onga limonsito na pagopisan na kumulun ko baso, so ig iyan na saogan sa mayao a ig na paginomun

Iphakayao so obarobar o Gumamila na paginomun, taman sa dimada so lugut na paginom taondun

BOLONG SA SAKUT A OLO
Puroputun odi na zasaan so bukao a kopaya na imbabud sa olo igira masakit a tanto

So rao a maganonok na kowakaon sa pito lapis na inudupil sa olo na gakotun a togak, oda a raon a maganonok na kowaka ko dunggao sa tulo lapis a raon na zasaan na indupil ko Olo

BOLONG SA SAKIT A NGIPUN
Igira adun a puso o ngipun a puzakit na kaphakay a pulalukan sa lasona tukapun na tangkaan so kamin ko puso o ngipun a puzakit ka mapakada iyan so kapagalal iyan

So saopak a lagas a niyog na so tamper ko adun a mata nian na totongun na so oring iyan na zaogan sa pito karad a palapaan a bagiin so magaanon mado, na maka zaog na miboyoron na puluputun sa raon a palaw na indukut ko bias ko tamper ko puzakiton, igira miyangalimo so ALLAH na pukhadaan sa alal na go so manga olud o ngipun na pukatoon ko luluputun a idudukut ko bias a puzakit

BOLONG SA SAKIT A MATA (DANGIS)
DANGIS - So raon a pair na pulolonun sa palad a lima na puluputun sa togak na tumukun sa mata

MIABOLAG – asar a damaodod a mata nian, ndatar saya so manosia ago so pangangayamun, na pakabolongon so obarobar o luya a zasaan na puluputun sa togak na tumukun ko mata,

BOLONG SA SAKIT A POSONG
So lasona tukapun a pito tukap ago pito karad a bukaw a kopaya na iphakayao sa lima ka baso a ig na putangkaan a mabaloy a thlo ka baso na paginomun sa makatulo ko salongan, aya kaphaginomaon na igira datapun maka kan

BOLONG SA SAKIT SA PUSO
So daa bagur iyan I puso na so raon a tangila lopa na zupaan na taros a pulamudun, kaphakay a sondokan sa ig odi kagaga minom, kaphakay a badun kumula na so ig iyan na paginomun

So oats  na aya mbaloin a daily snack ka mapakabagur iyan so puso, ago mapaka piya niayan so lalan o rogo sa lawas, aya mapiya na so Quaker a branian ka sii poon sa US

Pakarani so Election: Kabarato puman so trak.

Pakarani so election sa ranaw na kabarato puman so manga pipiya a trak ka itaan iran puman sa election aeh. So adun a mga perak iyan na karangun nyo a magaan so election na bokano bo pamasa.

ranawnews.com

Pukadada so light sa Piagapo

So light sa piagapo na pukadada. Mapya o maka light na mapya odi. Aya kon a sabap iyan na dimbayad so mga barrio roo. So kon mambo so mayor iran na di pun pagogop.

Da a light a Saguiaran

Myaka pito dun ai gawii na dadun makalight a saguiaran. Dowanian so mga bangsa tano sa Municipality of Saguiaran.

TESDA Scholars.

Myapasad dun so mga scholar sa TESDA. Antona mangaday eh pud pun a imbugay iran a libre?

Mga nanao dun aya.

Mga nanao dun aya a malo dun pukibaba siki Ampatuan, o kyambatayan nyo sa News na inidubak on o camera man so camera nyan ka da iran matigur so rarangit iran on. So aki so myakambaba na paninta a makabayad.

Libre a Training eh Hussein Pangandaman

Madakul dun a myabatya tano a ipopost ago ipaganaons sa radio ago tv makapantag sa libre a training a sponsor i Hussein Pangandaman. Sii kaptrainingi sa PMTC, Bo Green, Marawi City.

Happy Amon Jadid ko langon a meranaw

Salam rukano langon, paninta langon mapipiya so mga pagari tano a meranaw. Happy Amon Jadid ko langon a bangsa tano. Bangsa o mga meranaw.

Malo puman lomilintad a marawi

Samanaya mga lokus pagari ami sa ranaw ago sa abroad na gya dun kapkatokawi nyo ron a lumilintad puman so ingud tano. paninta a lalayon tano dun mapipiya langon.

Myagobernador si Hookey.

Isa dun ai a mga nanao a so mga meranaw na pukiporo ago pangadadato sabap ko so vice Gov a ARMM a si Hokey Adiong na sukanian imanto eh Gobernador sa ARMM Region. Paninta a permaminte dun a kababaloy nyan a Gobernador.

Antona eh karata o ning.com ?

Sadun sa tao a pangpud sa mga ning a network na di tano dun katawan o kada so password odi na so email tano. So ning na libre anan a website a para ko dimbabaal sa mga website, basta libre na aya pikirun tano na adun mambo a sambi iyan.

Free Training i Hussein Pangandaman

Adun a free training program eh Hussein Pangandaman a para ko mga bangsa tano a paganad sa computer, celphone technician, dressmaking ago madakul pun. So kabaya on training sa libre na songkano sa PMTC, Bo. Green, Marawi City.

Myakarani so mala a Galubuk o mga Kandidato

Malo dun pakarani so Election na mamili tano pya pya sa Dato tano. Aya botoan tano na so pakaogop.Di nyo dun kalukun so madakul i talibono.

Mga Multicab odi na Barangay Mobile Car para ko mga MUBA

Adun mambo a inipamgay eh Pre Salic maana so Mayor sa Marawi City a mga trak a para ko mga baryo niyan. Binaning i kolor a trak a sosoratan sa MUBARANGAY PATROL CAR.

Maguinadanao Massacre

Mapya puman a kya edita iran sa gya a tuladan makapantag ini sa Maguindanao Massacre.

Sikat so facebook sa Lanao del Sur

Imanto na aya sisikat a social network site na so facebook ka mas madakul a games on, adun a chat iyan sa baba, pakasend ka sa message ko pud ka. Aya dun a mala inisikat iyan na sabap ko mga games iyan lagid o poker, farmville, ago so mga pud iyan a games.

Myatotong sa Osmena St,. Marawi City

Adun a walay a myatotong so sawpak on, marani sa MICC ( Andang a Cairoden Cinema  ) . I oman tano ron bo amay so ngaran o keruk ko walay ago antona eh sabap a kyatotong iyan.

High Way Patrol

Para so katotokawi tano ron na adun a high way patrol sa marani sa lankaf, Marawi City. Na so bangsa tano a adun a mga motor iyan a da karatas iyan na malo kano paginungka ka tanto a madakul a myasako iran a mga motor.

Pamliin mambo ini a toladan. Pagataki niran puman si Gloria ago Si Zaldy

Myailay akun gya tuladan sa facebook. http://www.facebook.com/friends/?filter=afp&ref=tn#/photo.php?pid=2977101&id=703216574

Malo nyo kon ologi sa istihad a gya tuladan ah.

source of this picture: http://www.facebook.com/friends/?filter=afp&ref=tn#/photo.php?pid=2977101&id=703216574

Banner a ranawnews.com

O kaparo rukano na post nyo aya odi na oman nyo ko mga website, blog, facebook pictures iyo giya a banner a ranawnews.com

Internet cafe sa Marawi

Sa oras imanto sa marawi na apya anda ka sangor na internet cafe, odi na internetan. Taroon tadun eh myakabinasa sa wata, myakalalong sa mangangongoda go mga raga a mapasang eh kapagchat. Ayabo a katawan akun a pkiugop o internet na so kapag research ago kapakambityarai o tunganya a tag sii sa ingud ago taga abroad.

Taman sa sapi na ka trapic iyan a marawi.

Mataan a igira somiyagad odi na romiyapas a gyoto a mga sapi sa basak-malutlut odi na sa sarimanok, marawi city na pkatrapik so pogokit a mga trak. Gyoto a mga sapi na kalalayaman iran a di iran di katambutambur sa marawi. Aya kailangan tano sa marawi na makala ago makawlad so mga karsada tano ka para d katrapic

Myakafile dun so mga kandidato sa Ranaw.

Samanaya na myamakafile dun so mga kandidato tano sa Ranaw. Pangnin tano ko ALLAH ah da pamangibago a problema ago di tano mabala a myaolaola sa maguindanao ka tanto dun a marugun so kaprido. Aya akolun tano ko mga datu na politika siran sa mapiya kapa okit iyan odi na sport.

Aya botowan tano na so kapapatotan on.