Giyae kon a kaoyag oyag sa Dunya na makasasayan sa datar angkai a pagaloin tano a mia ilay sa tatagenepen.
Miaka isakon a gagawie na mitatagenep si di tatagenep, di sekanian kon di salobaan o Arimao, sa bapya anda sekanian somong na diron di salobaan o Arimao, sa si aki ini di tatagenep na sabap ko kalek yan ki Arimao na di nyan di papalagoyan. Mia oro sekanian o Arimao sii ko kilid a pangba a sa baba angkoto a pangba na miakaliboliboteng. Sa gyoto a kilid a pangba, na aden a pamomolaanon, na miakapagapason sakioto na miaka sambitin sii ko sapak angkoto a kayo. Na katotolongan yan angkoto a kababaan a pangba a kialiboteng.. Sa gyoto a kasasalambitiin yan sangkoto a sapak na mia ilay nyan gya dowa teman a Riya, maputi a Riya go Maitem a Riya a pereteben iran angkoto a sapak a kakaptan yan. Na lomiangag sa puro sekanian na kiatakan a ngari iyan sa gola a teneb a makapopoon sii ko walay o batiokan sangkoto a kayo. Sa kiababayaan nyan a tanto angkoto a pagtak sii ko ngari yan a gola teneb sa ronon miabimban na kialipatan yan angkoto a Arimao a diron di salopog a nomanayao ron, go kialipatan yan angkoto a baba a pangba a kaologanon a kialeboteng, o makaboka, go kialipatan yan angkoto dowa teman a riya a pereteb sangkoto a sapak a kakaptan yan. Na sabap ko kialipat / kiabimban yan na kiarotan tumeteb o dowa a riya angkoto a sapak a kakaptan yan na domipeng sekanian sangkoto a didalem a pangba a mikaleboleboteng.
Datar ko ini manga pagaria go manga babayko so kaoyag oyag sa Dunya, angkoto a Arimao na datar kon oto so Kapatay, ka bapya anda tano kon somong, bapya e kapalagoe ko Kapatay na so Kapatay na ditano niyan di salobaan sa ditano nyan botagan. Na gyoto kon a baba a pangba a miakaleboleboteng na datar kon oto so Pakoboran tano a miakaleboleboteng, na palaya tano san kapadalem. Gyoto peman kon dowa teman a Riya, a Maputi a Riya go Maitem a Riya na datar kon oto so di kapaka sambii o kagagawii go kadaondaw na oman meseg so gawii na pakarani tano mambo ko pakoboran tano. Na gyoto peman a Gola teneb na datar kon oto so orareg o Dunya a miaka bemban reka ko kipeng golalanenka ko titho a Antap o kaoyag oyag ka maana so ka Simba angka ko miaden reka a so ALLAH (S.W.T). Sa kailangan a ankai a Dunya na mabaloy a aya tano mitowak sii ko kakowa tano ko Limo o ALLAH a kapadalem tano sii ko Sorga iyan. Sa mabaloy a gya Dunya a babasoka tano sa manga pipiya a AMAL a ikasowat rektano o ALLAH.
Osar kano sa paypal
Monday, February 8, 2010
Arimao a mia Kambingize
Tothol e: Kaka Engr. Salic
Miaka isa kon a alongan na adn a mangangalop sa kalasan na miakatoon sa wata a arimao, kinowa niyan angkai a arimao na inibaling yan sa kalaan sa walay ran na inayam yan sa sii niyan dioreng ko dornga a manga Kambing. Aya mia sowa angkai a Arimao na sabap sii ko kinisaog ko manga Kambing na ayadn a mia rawat yan a kaoyag oyag na kaoyag oyag a Kambing. So waraan yan a kababaloy niyan a “Datu ko Kalasan” na kialipatan yan sa gyoto mambo e sabap a kiadaan sekanian sa menang sii ko manga Kambing sa diiran ika alek. Miada so waraan a kapkan yan sa sapo ka aya mini sambion na paotan otan, miada so kalalakao niyan a very smart ka aya minisambion na kalalakao a sexy a Kambing. Miada so kapangger yan a ka Aarimao ka minisambion na kaoni a Kambing. Sa ayadn a ini pagoyag oyag yan na kaka Kambing.
Manga loks, pagaria go manga babay ami, datar kon ini a miasowa o mga Muslim imanto sa Pilipinas go so manga ped a Muslim sa Dunya. Sabap sii ko kini saog tano sii ko salakao a environment a aya majority a diron di ipagentao na kaoyag oyag a sarwang a tao. Na so manga ped sii rektano na ayadn a miarawat iran na so kaoyag oyag o manga sarwang a tao. Kialipatan iran so kamo Muslimi kiran, sa ayadn a riawat iran so manga sarwang a tao. Pekasima tano imanto a kadaklan sii rektano na sii bo mamo muslim sa ngaran naso kaoyag oyag yan na naba kamo Muslimi. Mas pekatomo yan a aya niyan di ming goberno sii ko ginawa nyan na goberno a sarwang a tao, aya di niyan di ipagentao na salakao a kapagentao a naba ka e Islamie. So kandiditaranyan na dingkaon ketendo oba sekanian Muslim, babo taro na dikaon kitendo oba sekanian Muslim, so langon a ka okit okit o di nyan di kapagentao na di misosongkad sii ko kiapagentao o Nabi Muhammad (S.A.W) aka e Islamie. Na gyoto mambo e sabap sa kiadarodos o menang a mapapadalmon.
Katawan tano a aya perawaten tano a kapagentao na datar o kiapagentao Nabi Muhammad (S.A.W) go so manga pamilya go manga Sahaba niyan kapagentao a mka aayon sii ko ka e Islamie. Aya kon a Muslim na bapya isaog ka sii ko madakel a tao na katendo ka na sekanian na Muslim. So okit a kambabangala yan na katendo kaon a sekanian na Muslim, taro sekanian na katendo ka na sekanian na Muslim, so entero a ka okit okit o di niyan di kapagentao na kitendo kaon na sekanian na Muslim. O padagang na babaloy sekanian a padagang a Muslim, maginoontolan go naba di pelalalong. O Studyante na babaloy sekanian a Muslim a studyante a mananamar sa kapakasowa yan.
Manga loks, pagaria go manga babay ami, pagomanomanan tano so Paratiyaya go Kalek tano sii ko Allah go ditano rorotosen sii ko ditano di kapaganada sii ko Agama Islam go mapangnal tano so manga okit okit a kiapagentao o Nabi Muhammad (S.A.W) sa aya tano mipagentao. Sa gyanan e kapaka kasoy rektano o menang a kababaloy tano a Muslim a “Khalifatul Amdiya”. Lebi so katawi tano ron a so mianga uunaan tano a manga Muslim datar o manga Sahaba o Nabi Muhammad (S.A.W) na kiandatowan iran gya 2/3 sa dunya. Sabap sa kapapadalem kiran angkanan a mianga aaloy tano a sipat go manga pipiya olawla.
Miaka isa kon a alongan na adn a mangangalop sa kalasan na miakatoon sa wata a arimao, kinowa niyan angkai a arimao na inibaling yan sa kalaan sa walay ran na inayam yan sa sii niyan dioreng ko dornga a manga Kambing. Aya mia sowa angkai a Arimao na sabap sii ko kinisaog ko manga Kambing na ayadn a mia rawat yan a kaoyag oyag na kaoyag oyag a Kambing. So waraan yan a kababaloy niyan a “Datu ko Kalasan” na kialipatan yan sa gyoto mambo e sabap a kiadaan sekanian sa menang sii ko manga Kambing sa diiran ika alek. Miada so waraan a kapkan yan sa sapo ka aya mini sambion na paotan otan, miada so kalalakao niyan a very smart ka aya minisambion na kalalakao a sexy a Kambing. Miada so kapangger yan a ka Aarimao ka minisambion na kaoni a Kambing. Sa ayadn a ini pagoyag oyag yan na kaka Kambing.
Manga loks, pagaria go manga babay ami, datar kon ini a miasowa o mga Muslim imanto sa Pilipinas go so manga ped a Muslim sa Dunya. Sabap sii ko kini saog tano sii ko salakao a environment a aya majority a diron di ipagentao na kaoyag oyag a sarwang a tao. Na so manga ped sii rektano na ayadn a miarawat iran na so kaoyag oyag o manga sarwang a tao. Kialipatan iran so kamo Muslimi kiran, sa ayadn a riawat iran so manga sarwang a tao. Pekasima tano imanto a kadaklan sii rektano na sii bo mamo muslim sa ngaran naso kaoyag oyag yan na naba kamo Muslimi. Mas pekatomo yan a aya niyan di ming goberno sii ko ginawa nyan na goberno a sarwang a tao, aya di niyan di ipagentao na salakao a kapagentao a naba ka e Islamie. So kandiditaranyan na dingkaon ketendo oba sekanian Muslim, babo taro na dikaon kitendo oba sekanian Muslim, so langon a ka okit okit o di nyan di kapagentao na di misosongkad sii ko kiapagentao o Nabi Muhammad (S.A.W) aka e Islamie. Na gyoto mambo e sabap sa kiadarodos o menang a mapapadalmon.
Katawan tano a aya perawaten tano a kapagentao na datar o kiapagentao Nabi Muhammad (S.A.W) go so manga pamilya go manga Sahaba niyan kapagentao a mka aayon sii ko ka e Islamie. Aya kon a Muslim na bapya isaog ka sii ko madakel a tao na katendo ka na sekanian na Muslim. So okit a kambabangala yan na katendo kaon a sekanian na Muslim, taro sekanian na katendo ka na sekanian na Muslim, so entero a ka okit okit o di niyan di kapagentao na kitendo kaon na sekanian na Muslim. O padagang na babaloy sekanian a padagang a Muslim, maginoontolan go naba di pelalalong. O Studyante na babaloy sekanian a Muslim a studyante a mananamar sa kapakasowa yan.
Manga loks, pagaria go manga babay ami, pagomanomanan tano so Paratiyaya go Kalek tano sii ko Allah go ditano rorotosen sii ko ditano di kapaganada sii ko Agama Islam go mapangnal tano so manga okit okit a kiapagentao o Nabi Muhammad (S.A.W) sa aya tano mipagentao. Sa gyanan e kapaka kasoy rektano o menang a kababaloy tano a Muslim a “Khalifatul Amdiya”. Lebi so katawi tano ron a so mianga uunaan tano a manga Muslim datar o manga Sahaba o Nabi Muhammad (S.A.W) na kiandatowan iran gya 2/3 sa dunya. Sabap sa kapapadalem kiran angkanan a mianga aaloy tano a sipat go manga pipiya olawla.
Saturday, February 6, 2010
Subscribe to:
Posts (Atom)
