KALBIHANO KAPAGISTIGFAR

Sabnara so kapagistigfar na onot go paratiyaya ko Allah.

Pukhasabapan sa kapukhama-apo manga kadosta-an. Pitharo o Allah sa Qur’an a minggolalan sa katharo o Nabi Nuh عليه السلام : (فقلت استغفروا ربكم إنه كان غفارا)

“Na pitharo akuna pangni kano sa ma-ap ko Tohan niyo ka mata-ana Sukaniyan na Makamama-apa” [71:10].

Iputorono oran a limo o Allah ko manga ka-adun Iyan. Pitharo puno Allah si-isa Qur’an a sompat a giyangkoto a Ayah: (يرسل السماء عليكم مدرارا)

“Botawanan Niyan rukano so oran ko langit a marugus” [71:11].

Ipundakulo manga tamok goso manga moriataw. Pitharo puno Allah si-isa Qur’an a sompat duna giyangkai a manga Ayat: (ويمددكم بأموال وبنين)

“Go pakapundakulun Niyan rukano so manga tamok goso manga moriataw” [71:12].

Kisold o taw ko sorga. Pitharo puno Allah: (ويجعل لكم جنات) “Ithibhaba kano Niyan sa manga kasorga-an” [71:12].

Ipuphagomarugo bagur. Pitharo puno Allah sa Qur’an: (ويزدكم قوة إلى قوتكم) “Ago pagomanan Niyan sa bagur so baguriyo” [11:52].

Pukhasabapan sa kasosonor a mapiya. Pitharo o Allah: (ويمتعكم متاعا حسنا)

“Pakasawitun kano Niyan (a Allah) sa (kapagintaw) a kasosonor a mapiya” [11:3].

Pukharunding iyan so tiyoba. Pitharo o Allah: (وما كان الله معذبهم وهم يستغفرون)

“Ago da ko Allah i ba Niyan siran siksa-a a siran na puphagistigfar siran (gi-i siran mangni sa ma-ap) ko Allah” [8:33].

Witwit iyan so manga pipiya a kalbihan. Pitharo o Allah: (ويؤت كل ذي فضل فضله)

“Ago ipumbugay Niyan ko omani aduna milulubi niyan so milulubi niyan”. [11:3].

Mala a tanto a kakhakailangana o manga oripun ko kapagistigfar sabap sa lalayon so kapukhadosa iran ko kadaw-ndaw goso kaghagawi-i, na igira a miyangni siran sa ma-ap ko Allah na puma-apan Iyan siran.

Pukhasabapan sa kaputorono manga limo o Allah a manga pipiya. Pitharo o Allah: (لو لا تستغفرون الله لعلكم ترحمون)

“Ino kano di phangni sa ma-ap ko Allah ka angkano (Niyan) mikalimo” [27:46].

Ago mapupakada iyan so dosa o taw a pukhaparoli niyan ko kiyatimo-timo odi na si-iko kiyaplimo-limod.

Agoso kapagistigfar na pananayan ko okito Nabi صلى الله عليه و سلم a miya-aloy sa Hadis a maka-70 makapagistigfar si-iko satimana darpa a diyarpa-an iyan, isa a kiya-aloyaon na maka-100 makapagistigfar.

_________________________________________________________

Petowa makapo poon ko kirek sa giyae a article:

Piyangabat amiyai ko manga sorat a Arabic na initogalin ami sa basa Muranaw go piporongan ami ka kalo-kalo na an pupakanggaya gona ko manga pagari ami a manga Muslim sa Pilimpinas. Jamal (Abo-Ashraf) Abdurraheem