ONGO KO MBALA A LOKUS

Inisorat i Aleem Abdulhannan Bin Faisal Tago

So kasorga-an o tao na sii ko atag a palo o mga ina. Giyanan i so Allah na tanto nian a inipiis so kapharangai sa mapia ko-mbala a lokus sabap sa aya poonan, na aya kiyasabapan a kiya adun o manosia sa donya. Siran so miromasai mithodai ko mga kagagawii ka adun makarurunuk so onga o poso iran. Balabao so ina a ayadun mimbaloy a rorana, mawa somapipi. Rondun mamara-mawasa so marzik a puka poon ko ikaritanian.

Sii ko tundai a siyao (9) olan a kikaririmbitun ko wata na gomdan so ina sa mararas a karomasayan mada so pana-anta-aman, gomudam so ina sa dimararayo a sakit. Taman sa masalindun so pangbao-bawan. Amaidun ka mibolog so olanian na dadun a kasosorot o ina taman sa baniambo kaiga na dion makandadaya. Maoma so balilit na mokit so ina sa kazaropatai ka giotowi pumbasa-an a misasakatiyan so sabala sa a-inian ko koboriyan.

Batiya-an tano a kini ropaan o Allah ko kapukharuguni ko ina sa soorah Luqman :

"ووصينا الإنسان بوالديه حملته أمه وهنا على وهن وفصاله في عامين أن اشكر لي ولوالديك إلى المصير" [لقمان : 14]

“Go inithanan ami (ini wasiat ami) ko manosia a (kaphia-piya i nian) komubala a lokusian, inikarimbit sukanian o ina-iyan sa marugun ko marasai, orianian na inalimaan sukanian-mpuman ko dowa ragon sa anakonian kapanalamati ago somubla-a-lokusian”


وقال تعالى : "وقضى ربك أن لا تعبدوا إلا إياه وبالوالدين إحساناً، إما يبلغن عندك الكبر أحدهما أو كلاهما فلا تقل لهما أف ولا تنهر هما وقل لهما قولا كريما (23) واخفـض لهما جناح الذل من الرحمة وقل رب ارحــم هما كـما ربياني صغيـراً [الإسراء : 24]

“Ini parinta o somasakodo ruka a dinio kazoasoat sa salakaoron, go inithananianpun so kaphiyapiya i kombala-a-lokus. Amai ka mitolodudun so idad o isakiran odina sirandun a dowa na banka kiran mapukaporo so katharo oka (datar o banka bo katharo a sa IZZ!!!!), go banka siran phurarasunga sa aya zariatangka na so katharo a soasoat sondongunuka kiran so papak a kasunong sa limooka kiran sa tapnai ka ko Allah sa ikalimo iyan siran sa datar o kia inogoniran ruka ko kaito oka” [Al-Israa : 24]

Aya khasabot sa mga sogo anaya o Allah na so kaphiyapiya i ko mga lokus na wajib na patot ko manosia. Miya aloi pun sa hadith a so kon so kasorga an o tao na sii ko atag o palo-o mga ina.

"الجنة تحت أقدام الأمهات" الحديث"

So-mbala a lokus na sodun so Allah i mininsor kiran sa limo na kapudi ko khabaloy a mapumomoriyatao iran. Sabap sa giangkoto a wata na aya khabaloi a pukasamubi kiran a makaphagingud ko donya. Oda so tanto a kala a limo a inibugay o Allah ko ina na madakul a ayadun i kinimbawata anon na marapas. Sabap sa so tao na phithamanan a malobai ko mga kaadun o Allah igira a aya-ondun kinimbawat-an o ina iyan. Madidipun so piak a manok ka ayadun i kapaka liyo nian ko lokhabang na giidun makapanoka sa rikhot. Sopman so wata na daanoman sa dipun puka ilay na odi songita na didun maoyag sa ayabo a khapakai a kunian na gatas ka dipun puka supa sa malo timan a pangununkun.

Katii so sabaad a mga kabunar o lokus ko mga moriyataw iran:

So kaphiyapiya-i kiran sa paratiyaya-an so langon a kabaya iran a kamapiya an a dimakasopak ko kabaya o Allah.
Amai ka mitolod siran na takupun so onotonot kiran sa dimasangka so langon a kabaya iran, disiran masumbag sa masarangit odi na makala so lagam o wata a diso katharo iran.
Disiran mapurarasung o wata sa aya giiniyan mazarat a wata na mainai, kaonot, limo a katharo.
Mangalimbaba an kiran so mga wata, siyapun siran sa okit a kapangalimo.
Miyapatot so kanggastowi kiran ko kiyapanga lolokusirandun.
Di mablag so gii kiran kipangunin sa da-a ko langoan a sambayang soasoat ko Allah a mga simba.
Aya mitotoro aya na so Islam na inipantagian ko kiyasagad o lukos sa marasai so langon a kabunar a miapatot ko kapulokulokus. Sa angias ko mga puda ola-ola o pud ko mga pagtao a moonot ko pangitaban a manosia.

Sa America na khapakai a sopina-an o wata so lokusian odi na adapunian sa hokoman. Giyadun a parinta sa America na khapakai a kowa-anian so wata ko lokusian. Mini payag ko pupha manorat ko mga tothol a adun a sakatao a Muslim a gii maningkawigun sa ingudanan a mala. Isa alongan na adun a pakaradiya-an na giiron bantai a Muslim oto ago so wata-iyan na bagowa raga.

Sabap sa tabiat a gii kapanaliya i o Ama ko wata iyan na adun a sakatao a babai a phagilai sa gii kapangangaruki o Ama ko wata iyan. Na dadun a panaro sa minggagaan na initawag ian sa polis sa salakao a pianaro iyan. Sa kinowa a mga polis oto so wata sa da-irandun pakapha-ara so Ama iyan. Sa ini kapobri a sakatao oto a Muslim sa kiapaki khokomian sa taman imanto na dita katawan o miakowa niyan a wata-iyan oto.

___________________________________________________________

Petowa maka popoon ko Dumiaptar sa giyae Article sa ranawnews.com

Zoratinio so pagari nio oba ana mga antanganio, mga dawai odi na inungka @ hannansa@yahoo.com


--- Gya article na kyopya mi badun sa maranao.com