PUKARARANGITAN SI ARATAWATA

by Morojasan

Baabaas kon aya a pupalalagoy si Muling sa kababaan a ANNEX sa MSU, sasalupogun iyan si Gawdale, kiyagikasan siran aki o madakul a mga estudyante. Inuwari e de mlinug pakapalalaguwin ka si Muling ka di tawba tawbat, subra sa magnitude 7.

Bontyak a bontyak a tigi Gawdale, eh mala e tiyan a Muling. Tig mambo eh Muling a madakadun palito matas e lig duran duran. Ah na gowaki mirupang si Gawdale na siidun minisumsumuk ko odowan a Sapi. TONGIYONGIYONG at tigi Muling matay Kaman. Aya mambo a miyabalus o Sapi na NGAAA, upama na di akungkaman ari pusiyoka ka towadan akun suka san badun. Kakayadun aki e Muling, sudon so Dipapado a wata sa kababaya iyan.

Ah na miyaka pamumug si Gawdale sa ditadun pakatanaan antunaa oto, miyabadtrip ako a tigiyan ki Muling, magawa ako sa Mindanao na saya ko mbaling sa Pilipinas mapita.

Siingka ko siyagadan iran si Musor a punggabasun iyan so mga putaw sa Annex, hah tigi Musor ‘’unsa mani na putaw na tiyangis na dili matangtang,’’ tigiyan oto ko mga Saruwang sa ubay niyan.

Tigi Muling ki Musor a gari baka di pagunot, mapiya a pulano ini e Gawdale ka Magawa kami sa Mindanao na saya kami mbaling sa Pilipinas. Ah datar kano aki o mga plip a tigi Musor, kaplip ta rukano pun na. Andamanaya e kapakasung iyo sa Pilipinas? Hehe a tigi Gawdale, ate mulalag kami, na gukami pagawid sa isaka gallon a eg, angkami di kawaw. Ah na tigi Musor amay puman ka mbaling kano? Haha tigi Gawdale dadun a mind ate pukabit kami sa Deplano (plane).

Andari matatago a Pilipinas aya a Tigi Musor? Ah tigi Gawdale ate sa Manila.

Ana good luck a tigi Musor, paka pasalubong ako nyo badun ow, so short pant e Manny Pacquiao, ipagatin akun sa wedding. Kayko pulalakaw sirandun na siyagadan iran angkaya a isa a class room. Ana ndodon si ARATAWATA a ditaro sa lalag, aya teacher iyan na si KAKATA sa History 1.

Tigi Aratawata a inako ko Grade 1 ako na daa pakaato rakun sa Kambayang Magiliw, iiktan akun so Panatang makabayan. Giyuto e putaroon a taman ko papanok na putana ka pumbantayan ako iran.

Igiradun a ini esa rakun o Teacher akun o antaa so mga President sa Pilipinas na dika isa ka minutos na pki recite akun. Palakpak dun o mga classmate akun.

Maka uma ko sa walay na di akun di pangundaon si erpat ko mga Pambansang puno, pambansang awit, pambansang bahay, pambansang bulaklak, ago pambansang laro. Na pumbugan ako niyan mambo sa salad, a tigiyan a pamliin ko mapasang so wata akun.

Ayadun aki Kakata a panarima akun non na sakun na Pilipino ako, ogayd na miyarata a ginawakun sa kiyataro angkaon a so pandi a Pilipinas na dikapakay oba on puda siiko walo a guris o alongan so mga miyapasad mambo o mga apo ami sa Mindanao makapantag ko paninindug iran a aya kalaban iran na so mga Espanyol mambo. Dikapakay a tigka ka sa History na aya bo a miyaninindugan na so mga tao sa Luzon datar opama a Cavite. Samanuto na dika miniyo iiitong sa itungan. ‘’Gyoto e tigiran a bakamidun pud ko padian na dikami pud ko pasaeyan.’’

ANA MGA KAMANTIS TANU RON BUS ARI A TIGI MUSOR…!!!

Tig mambo e Gawdale a suka dun e kamantis son. Miya ilay akun puman so crush akun. Initung iyan ki Muling, osto man ari na ipapatapatay akun si ARATAWATA.

Bako dun kiyatanodi a tigi Musor kagiya ko kapipita, miyamadian ako ka pamasako sa mga bulong a Merikano, Alaxan, ah na kiyatukatukawan ako ka inipanulad ako o mga Merikano. Daa mga lalag iyan a Merikano, tigakun kiran a inuwako niyo panuladun? Tigiran a because you are endanger specie, tigakun kiran a tuna a engineer ari ago SPILIT (aspirin) eh Alaxan a pamasaan akun.

Kagya kun a sa ingud iran na tito a maka bibilib siran ko karangit o mga Moro, puringanangari a tigo Merikano eh miyaka sulod so subra tlogatos ragun a kariringasaa kiran o mga Espanyol, miyakaoma puman so Merikano, Gubopuman so Hapon na da irandun sasambia so Agama iran.

Iniisa akun kiran a tigi Musor antawaa angkoto a mga Moro na tigiran a thank you.